«Mektepke jol» aksııasy: Oqýshylarǵa áleýmettik  kómek kórsetildi

    Oblys ortalyǵyndaǵy «Jas­tar» saıabaǵynda «Mektepke jol» aksııasy ótti. О́skemen qa­la­sy ákimdigi men bilim bóli­mi uıymdastyrǵan aksııaǵa ba­lalardyń shyǵarmashylyq úıi men óner mektebi jáne shyǵarmashylyq ujymdary, otbasy men balalardy qoldaý ortalyǵy jáne memlekettik qurylymdar ókilderi qatysty. Aksııa aıasynda oqýshylar men ata-analarǵa arnalǵan merekelik konsert, mýltfılm­der men ertegi keıipkerleriniń qatysýymen oıyn alańy uıym­dastyryldy. Qala ákimdigi áleýmettik jaǵynan az qam­tyl­ǵan otbasylardyń balalaryna mektep quraldary sa­lyn­ǵan 42 portfel syılady. «Bala­lardyń dosy» qalalyq qozǵalysy sheńberinde balalarǵa kómek kór­setken demeýshilerge qurmet kór­setildi. О́skemen qalasy bilim bólimi­­niń habarlaýynsha, tamyz aıynyń basynda bastalǵan «Mektepke jol» respýblıkalyq aksııasynyń alǵashqy kezeńi aıaqtaldy. Bul kezeńde áleýmettik jaǵy­nan qor­­ǵalatyn otbasylardyń balalaryn jańa oqý jylyna daıyndaýǵa kómek kórsetý boıynsha aýqymdy jumys atqaryldy. Jalpyǵa min­­­­detti oqý qorynyń qarjysy esebinen qaladaǵy áleýmettik turǵyda qorǵalatyn otbasylardyń 3937 balasyna, onyń ishinde áleý­met­­tik jaǵynan az qamtylǵan otbasylardyń 3937 balasyna, 493 qamqorlyqqa alynǵan, 52 múm­kindigi shekteýli balalarǵa kómek kórsetildi. 23 tamyzǵa deıin mektep, jergilikti ózin-ózi basqarý komıteti jáne azamattardyń kúsh-jigerimen balalardy mektepke daıyndaýǵa kómek kórsetýge arnalǵan 14 pýnkt jumys istedi. 1 qyrkúıekten bas­tap «Mektepke jol» aksııasynyń ekinshi kezeńi bastalady. Atalǵan kezeńde bilim bóli­mi men qalalyq ishki ister basqar­ma­­synyń qyzmetkerleri mektep ta­baldyryǵyn attaǵan oqýshy­larmen keshendi jumys júrgizbek. Sebebi, jyl basynan beri jeti aı­­dyń ishinde Shyǵys óńirinde balalardyń qatysýymen 188 jol-kólik oqıǵasy oryn aldy. Oqıǵa saldarynan 5 bala kóz jumyp, 214 bala jaraqattandy. Kámeletke tolmaǵan 219 balanyń ishinde 27 bala óz kinálerinen zardap shekken eken. Jańa oqý jylynyń qar­sa­ńynda balalardyń jol-kólik oqıǵasynda jaraqattanýynyń aldyn alý, balalardyń qaýipsizdigin qamtamasyz etý jáne balalardyń jol ústindegi qaýipsizdigine ere­­sek­­terdiń nazaryn aýdarý maq­satynda 20 tamyz – 10 qyr­kúıek aralyǵynda oblystyq ishki ister departamentiniń ákim­shi­lik polısııasy basqarmasy «Abaılańyz, balalar!» atty aldyn alý is-sha­­ra­laryn ótkizýde. Shara barysynda jol saqshylary jol qozǵalysyna qatysýshylarymen apattyń aldyn alý jumystaryn júrgizip, kezdesýler, avtojúrister uıymdastyrdy. Sondaı-aq, balalar mekemeleri mańaıynda kóshe-jol júıeleriniń keshendi tekserýleri júrgizilip, balalar kóp jınalatyn oryn­darǵa erekshe nazar aýdaryldy, jol-kólik oqıǵasynyń aldyn alý boıynsha ata-analar jınalystary, semınarlar ótkizildi. Arnaıy sabaqtardy júrgizý úshin bilim berý organdaryna ádistemelik jáne tájirıbe­lik kómek kórsetilip, jasóspirim júr­ginshiler tarapynan jasalatyn jol qozǵalysy erejelerin buzýdyń aldyn alý jumysyna, jol qaýipsizdigi sharalaryna erikti kómekshi-jasaqtar qatystyryldy. «Abaılańyz, balalar!» aldyn alý is-sharasynyń tıimdiligin arttyrý maqsatynda ákimshilik polısııa basqarmasyna «Nur Otan» par­tııasy, Salamatty ómir saltyn qalyptastyrý ortalyǵy, «Qy­zyl Jarty Aı» uıymy qoldaý kór­setip keledi. – Jol qozǵalysy qaýipsizdigine qatysty máseleler árqashan ishki ister departamentiniń baqy­la­ýyn­­da. Árbir oryn alǵan oqıǵa­­­larǵa, ásirese, balalardy jáne jolaýshylardy tasymal­daý­­­­men aınalysatyn kólik qu­ral­darynyń júrgizýshilerimen bol­ǵan oqıǵalarǵa qyzmettik tekserýler júrgiziledi. Apattyń deń­­­geıin tómendetý – bizdiń bas­­ty mindetimiz, – deıdi ob­­lys­­tyq IID ákimshilik polısııasy basqarmasynyń bastyǵy Jan­bolat Baqyjanov. Dýman ANASh, «Egemen Qazaqstan». О́SKEMEN.